/~





السـلام عليكم ورحمه الله ،،



حيـاكم الله جمـيعـا ،،


اليوم حابه انزل مقال عن مهايـط الجامعه وايامها ،،

عموما ،،


مرتن من المرات واحنا بالسوق ،،

وقسمن بحالي ومافي اعقل مني عقل وثقل ياماشاء الله >==> لايكثر

المهم هذه المره كنت لابستن كعب الله لايوريك يشحط

عاد في واحد كبر جدي شايب كل شوي يمر علينا ،، ويكلمنا

كنا جالسين ،، ننتظر

المهم ،، بس يقرب احنا نغير المكان ،، ومره يقط الرقم

ومره يتكلم ،، ومره يقرب كنه بيملمس >==> جعله الكحه في بدنه

المهم انا خفت منه قلت ماحنا بخالصين

قلت مالي الا اخطف الشارع الي يطل على اربع اشارات عشان اهرب

يعني بالعربي 4 شوراع متقابلين

يخوف كان

المهم وانا مسرعه والجزمه تشطح ،،

تخيل معاي ،، لا من جد تخيل معاي ؟!

اول خطوه انزل من الرصيف الى الشارع

و

طررررررررررررأأخ قدام العالم واربع شوارع

والشايب المخيس

فشله وربي

والي يقول سلامات ،، والي يقول عين ماصلت ع النبي

والي يقول ،، خطاك السوء مانخلص،،

"حتى بطيحتي ادوخ العالم >==> براااا "

وانا يادوب مسكت اختي وجمعت حالي ومشيت ،،

وانا خاطري امسك الجزمه الي شطحت فيها

وفوق خشته الشايب

والله فشله لحد الحين مو متخيله ،،

شفت الأاناقه راحت سدا

‘،

اما الجامعه ،،

،، وآهـ يالجامعه وظلمها

مايكفي موضوع فيها والله ،،

خصوصا لا صار الحظ من اصله ،، خلقه يعني ردي

يومن انا اخالف الزي على طول انمسك

بس والله كيوت وعسل ونادر اخالف ،، ومخالفات على قدي ،،

مره بلوزه وردي ،، ومره ،، تنورهـ جنز ازرق قل يجي التطور الحين صار كلش عادي

الي يشوفوني متخرجه من عام 1999

على فكره توني تخرجت اول سنه لي

يعني الذاكره من الظلم فل


اذكر مره لبست لي جاكيتي اسود ورزه

قالت هاتيه ،، قلت وش فيه ؟! اسود ومافيه شئ مخالف

قالت لا مخالف ليه طويل

اناشوي وابكي

،، واروح واعطيها اياه ،، لايروح بنفسها ،،

المشكله هالجاكيت بالذات غالي علي

احبه ،، وتجي تأخذه الظاهر معجبه فيه

ومن اليوم الثاني رازت وجهي عندها اقولها هاتيه

بالموت جابته قال شو ضاع بلا بـ خشتها



المهم في سالفتن ثانيه بعد بقولها على الطاير >==> كل هذا وعلى الطايرلاحظ

مرتن مره المرات ،، دخلت محاضره ،، وكانت تشريح

عاد تشريح وش ؟!

صراصير

تخيلوا انا من يوم شفت الصرصور سبحان من خلقه " اللهم لاشماته "

بس ماقدرت اتحمل ،، وش اشرح فيه بالله ؟! " جزمه تشرحه بلا منافس "

تخيلـوا الوضع عن جد تخـيلوا ؟!

جد انا قلت للدكتور وهي خبرهـ فيني دايم اهرب


دكتورهـ ممكن الباثروم

قالت لا مافيه ،، >=>

قلت ابي اروح ضروري >==> ابي الفكه

قالت ،، اجلسي مكانك ،، قلت ان شاء الله

الهم ،،

هنا بدت الدكتور تطلع الصرصور الي بتشرحه عشان تورينا

اول مافتحت الكيس ،،

تحرك الصرصور وصار يمشي بينا

تخـيلوا ،،

انا هنا انجنيت

وشو صرصور وهربان

وامسك الباب واهج عيني عينك


7
7



يوم جات المحاضره الثانيه تطبيقي

بعد ماطلبت من كل طالبه تجيب معها عينه حيه ،،

المهم انا نسيت المحاضره والطلب وكلش

حضرت على الله ،،

واشوف العالم كلها ماسكه صراصير بيدها ،، بعلبه او كيس
مدريك كيف جمعوها :/

وانا شكلي كذا *_*

وتجي تقول الدكتور ابدؤوااا تشريح ،، :/

والي مامعها تجي تأخذ >==> معصي

المهم ،،

لي جنبي فتحت علبتها ،، وحطت الصرصور في صحن التشريح

و فوقه محلول مخدر ،،

وانا اشوف *_*

الصرصور يحوس ،، في سكرته الأخيره
قبل النوم

المهم

ما انتبهت له ،، الا متحرك من الصحن إلى المكتب

واشوف إلا ارفع جزمتيمن الخوف واصقعه فوق خشته ،،

لما اتشرح ،، يااااااااااااهـ استغفر الله بس يخوف :/

الدكتوره تجي تقول وش فيكم

وشافت الصرصور مضروب بالجزمه وتـَشرح

قالت ،، لييييييييييه بالجزمه يابنتي حرام عليك

دا بتاع التشريح

و توعدتني ،، بـ انها ماتجيب لي الا صرصور بـ الأختبار

وانا معرف اشرحه واخاف منه /

بس ابشركم ماجابته الحمدلله افتكيت منها



يوم من الأيام كان تشريح ضفادع ،،

كان العينه بتاعتي كبيره ،،

طبعا عمري ماجبت عينه ،، كلا يجيبون لي البنات

مدري شلون تخرجت

بس ترى مو معاناته اني داجه بس ماحبه اصيد حيوانات واذبحها

>==> احلفي الكسل له دور صراحه

يوم خدرت الضفدع بتاعي ،، وبديت استعدت للجريمه

خدر الضفدع ،، وبديت افتح اعضاءه >==> ياعيب الشوم

المهم

وانا افتح ،، وافتح ،،

وصلت من اول جسمه إلى القلب ،،

والقلب فله اشوفه ينبض ،،

كل هالجرايم ولامات

مسكين والله ،، رحمته

المهم ،،

شوي وانا مندمجه اطالع بـ الوان اعضاءه

> حلوه ألألوان اصفر لى برتقالي على اخضر سبحان الله

إلا يتحرك اضفدع وهو مشـرح ويطمـر علي ،،

مع العلم انه مثبت

ياني ارتعت روعه ،، ماحصلتش

والمشكله تقول الدكتور اقطعي قلبه ،، وانا اقول وش اقطي قلبه ؟!

رزن ديفن احنا

قلت مابي ،، جات صديقتي و اقطعته ،،

تخيلـوا وهو قلبه مقطوع يتحرك

ماصدق كان يوم خيالي مدري كيف مر

المهم بالموت انا في اختبار تشريح

انا ماكلمت اختباري وطلعت من الرعب ،،

وتخيلوا ،، حملت الماده من شان هالضفدع ياليت ماشرحته

مدري كيف سولت لي نفسي



ولا صار تشريح ارانب ولا طيور ،،

ياهـ ياني شوي وابكي ،، إلاالأرانب اموت فيهم

اذكر جايبين ابيض واسود ،،

تخيلوا الأاسود استغفر الله وعه شكله

اما الأبيض وهـ خقهـ ،، مات قدام عنوني



برضو ،،

يوم من الأيام هيك دكتوره متعصبه وتبي تبرد

وصديقتي ما شاء الله حظها قوي طول عمرها ماتنصاد

تخيلوا ؟!

كانت في المحاضره طول الوقت تكلمني ،،

وانا اسكت ،، واسمع >==> مؤدبه

المهم ،،

سمعتها الدكتوره ــ قالت /

التنتين الي بالخلف ،، يأئفوا ،،

واجي انا قلبي طاايح ببطنـي مين انا

قالت ايوه

قلت وربي ماحكيت كلمه

قالت ،، تعالي انتِ وصاحبتك ،،

وكل وحده تجلس مكان

انا يصير فيني هيك ؟!

قلت وربي ماغير مكاني مو صغار عندها

قالت ،، اجل اكتب لي اسمك :/

قلت ابشري ماطلبتي شئ

ومن يوم كتبت اسمي وانا ما احضر عندها لأنها اكيد بتحلمني الماده ،،

صديقتي راس الشر تقول كان كتبتي اسم عشوائي

بس الحمدلله بعد دعوى تظلم ،، عليها من كذا مصدر و طارت ،،

وكملت ولا حملت الماده ،، يالبى قلبي ،،





مرتن ثانيه كانت نفس السالفه مع دكتور ،،ومراقبه شينه

كل البنات في القاعه يتكلمون ،، بس انا ومن رداه الحظ

جات وحده جنبي من الشله راعيه هرج ،،

والمشكله ضحكتها توصل جنيف

والمشكله الثانيه انا بزوايه يعني ،، في وقع الأنظار

المهم ،، هي كتبت اسمنا المراقبه واعطته الدكتور ،،

طبعا وقته كنت سنه اولى والمحاضره هذي تلقى على على اقسام غيرنا

وعلى الهواء مباشره الدكتور

ويجي ينادينا الدكتور ،، طبعا انا معرف اكلم دكتور ابد اخجل

يقول / دلع تعالي على المايك

وانا معصبه لأن وربي ماحكيت شئ ،،

والمشكله ماعرف اعتذر وانا ماغلطت

قالي رح اخصم منك 10 درجات من السلوك لو ما اعتذرتي للمراقبه

" طبعا المراقبه هذي قليلة ادب :/ من قلب يعني كل العالم يحكون بس هي حاقده على صديقتي "

فقلت له والله ما اعتذر ،، " تخيلوا الرد طلع عفوي والله مدري كيف طلع "

قال هاه وشو / سكــت ــ حسيت اني قلت شئ كبير

ردت هي ،، وهي طايحن وجهها قدام البنات والدكتور ،،

قالت يادكتور مايحتاج تعتذر مني يكفي تعتذر لك ،،

قمت قلت للدكتور ،، وربي يادكتور ماحكيت من او المحاضره ولا كلمه

>=> نذله حطيت اللوم على صديقتي

تستاهل محد قالها تسولف طول الوقت

المهم ،، قال الدكتور حصل خير ولاعاد تتكرر ،،

طبعا انا وقتها حصلت كم تصفقيه واعجاب من البنات من شجاعتي وموقفي وردي ،، خصوصا

على المراقبه وقدام الدكتور ــ

ومن يومها وربي مشهور اسمي على مستوى سنه اولى كلهم ،،

ياحظي بس ،، مازعلت ابد على هالموقف ،،

على اني نادر اخذ حقي



عموما اعرف اني هرجت كثير

لكن السوالف كلها طلعت في حزة نوم ،، يعني اكيد خيط وخيط

فـ لاتشيلون هم كلها مزوح وتروح ،،

وان شاء الله كانت خفيفه عليكم ،،

ولاهايطت كثير





عوافي طلتكم ،،

وبإذن الله لي طله ثانيه